كنت بس بحاجه لبعض البكى ..!

صرت أخآف من الكلام تصدقين !!
صرت أخاف..
ياخذوني في غباء ويستلّذوني جهل ..
صدقيني صرت أقول لكل طاري شعر يطري لي تمهّل ..
مو على كيفك تجيني ..
تاخذ الوجد المعتّق من حنيني ..
تاخذه منّي وأنا محتاج أشمّه في ثياب اللي يمروني عشان إت ْحس ب شوّية أمان ..
تعطّر أجواء المكان ..
صدقيني كنت شاعر بس شاعر في زمان ..
مايبي شاعر يبي تهريج ضوضاء وصراخ
صدقيني .. أقدر أصيّح وأكون الأول بعين الجميع
صدقيني .. أقدر أمدح لي وضيع
صدقيني .. أقدر أخفض لي رفيع
صدقيني أقدر و أقدر و أقدر
أقدر أخلق لك من ال لا شعر شعر
أقدر آسوّغ من ال لافكر فكر
أقدر آسوّي كثير .

بس لوتدرين يحكمني .. كثير

القناعه قيد وأحلامي .. كبار

ودي أخرج من قفص
نفسي وأطير
ودي أ*****ر ماتراكم
من حصار

ودي أفرش قلبي بغير.. الحصير
ودي ألقى نفسي بضحك .. الصغار

ودي ألقى بعين أبوي
إني قدير
وأقدر أخذ ذود جدّي
للقفار

ودي أسرح كل صبح لكل.. خير
ودي إني لا عطيت أعطي.. كثار

ودي أمي يوم ..تفرح
بي تصير
ماتشيل هموم غيبه
وإنتظار

بس يشوفوني مثل عمري..
كبير
لو يديني عن أمانييّ.. قصار

ما يهم .. اللي
يهم إني جدير
أورث التاريخ و
أورّث دمار

مالك بطول السوالف والكلام اللي يطول
تْجين ننسى الجهل في بعض العقول
تْجين أغنّي لك مواويلي حزن
تْجين نخرج من تفاهات الوزن
تجين أحبّك من هنا لين الورق .. للـ حب يا.. يا أنسه عدّة طرق

يا نكون أحباب.. لكن ما نحب !!
يا نكون أصحاب .. طبعاً مانحب !!

ليه هالليله حزينه..؟
مدري ليه !
بس أحس بحاجه لأنسان أفضفض له لقيت
إنك أقرب من يحس ( أو هكذا كنت أعتقد )
لايهمك ..
كنت بس بحاجه لبعض البكى
وأنتي لاتطرين لأحد من بكى
(خايف إني من عيون الناس أطيح )

شفتي إني صدق أخاف من الكلام
شفتي شلون أتوارى ف الزحام
شفتي الشاعر إليا منه كتب
لا تحدينه يغنّي
مو طرب لكن يغني
(مو حزن لكن حزين )

وإنتي كنك تستلذين الغناء
أو تحسبيني أفضفض لك لأني

بالأخير آقول أحبّك ؟

.... :

أيه أحبّك ..!
بس أحبّك تسمعين
أيه أحبّك ..
بس أحبّك تقنعين

إني شاعر ما بقى بـ قلبه مكان
وأنك أغلى بنت ما حبيتها
وأنك أرقى بنت قد حاكيتها
أيه أنا وياك يجمعنا كثير
الكلام اللي حكينا
كان رابط بيننا
وآنا أحبّك بس مثلي تقدرين
من بعيد الحب يعني عيد حب وشمعتين وترسلين
بيت شعر وكل عام
وأنت غير
أنت روحي وأنت قلبي وأنت غير

إيه غير

إيه غير

شفت كيف أحباب .. لكن ما نحب !!
............... شفت كيف أحباب .. لكن ما نحب !!

..

مشكووووووووووووووووووووووووور خيو على الكلامات الجميله وهي تبكي

شوووكـرن عالموضوع النايث

يسلمؤؤؤؤؤ على الردود الجميله ولا تحرموووني من ابداعاتكم

الكود:

يسلمووووووووووو

تقبل مروري وتحياتي كلك ذوق الحب لك وحدك

يسلموو

يالبى قلبك يا عبود

تقبل مرووري